酒店人生

我真係好鍾意住酒店，酒店有種魔力，可以令我完全放鬆。係因為我喜歡酒店...

酒店人生

我真係好鍾意住酒店，酒店有種魔力，可以令我完全放鬆。係因為我喜歡酒店房嘅潔淨？還是我已經習慣瞓酒店嘅人生？

每次飛北美都有嚴重時差，白天在睡，夜晚叫外賣，可以連續數日足不出戶， 自此酒店成為我家，有種放鬆寫意嘅感覺。呼～ 屈指一算，我都差唔多兩年冇飛喇～真係好好好懷念自己一個人喺酒店發臭嘅日子。

之前帶豬豬staycation離家出走數天 ，天氣跟今日一樣，都係情深深雨濛濛。 而家每當情深深雨濛濛，我都會記起該假期。係我做老母良久第一個大假，好滾動。

疫情不能外遊嘅情況下，staycation 確實係一種優哉悠哉嘅小幸福。 嘆一杯茶，吃一個早餐， 浸一個熱水浴， 喝一枝啤酒，在泳池邊百無了賴地 hea，人生啊～

如果下次可以唔帶豬豬就好啦 ，淨係豬豬都有一個喼，尿片一包，一罐奶粉，N個奶樽， 玩具，屁屁cream，防曬，蚊怕水幾十支嘢， 仲多嘢過你老母，好煩呀～

#staycation #grandhyatt #grandhyatthk

---